२३ मंसिर, काठमाडौं — स्मार्टफोन लामो समय एकै तरिकाले समातेर प्रयोग गर्दा मानिसको सानो औँलामा (pinky finger) मा देखिने शारीरिक परिवर्तन विश्वभर बढ्दै गएको विशेषज्ञहरूले बताएका छन्।
द इन्डियन एक्सप्रेस (The Indian Express) मा प्रकाशित रिपोर्टअनुसार फोन समात्दा सानो औँलामा पर्ने निरन्तर दबाबले औँलाको बनावटमा डेन्टजस्तो खाडल देखिनु, वक्रता आउनु र हड्डी तन्तुमा दबाब बढ्नुजस्ता समस्या पहिचान हुन थालेका छन्।
चिकित्सकहरूका अनुसार समस्या साधारण तया असजिलोबाट सुरु भए पनि दीर्घकालमा जोर्नी दुखाइ, औँला र हत्केला समन्वयमा कमजोरी र नसामा असर पर्ने जोखिम बढ्दछ । धेरै प्रयोगकर्ताले फोनको तल्लो भाग सानो औँलामा अड्याएर पकड बनाउने भएकाले त्यही क्षेत्रमा दबाब केन्द्रीकृत हुने रिपोर्टमा उल्लेख छ। यसले समयसँगै औँला सिधा नदेखिनु, हल्का वक्रता आउनु वा सतही डेन्ट देखिनेजस्ता परिवर्तन देखापर्ने चिकित्सकहरूको भनाइ छ।
विशेषज्ञहरूले स्मार्टफोन प्रयोगको शैली परिवर्तन गर्नुपर्ने आवश्यकता औँल्याएका छन्। फोन समात्दा दुवै हात प्रयोग गर्ने, औँलामा झुण्ड्याएर नसमात्ने, लगातार लामो समय फोन नपक्रने र आवश्यक परे फिजियोथेरापी जस्ता उपाय अपनाउँदा समस्या न्यून हुने चिकित्सकहरुको सल्लाह छ।
रिपोर्टले युवावर्गमा यो समस्या तीव्र रूपमा देखिन थालेको उल्लेख गर्दै स्मार्टफोन निर्भरता बढ्दै जाँदा ‘पिंकी समस्या’ पनि असामान्य हुँदै गएको चेतावनी दिएको छ।
