२४ चैत, काठमाडौं — सरकारले पेट्रोल, डिजेल र मट्टितेलको आयातमा लाग्दै आएको भन्सार महसुल र पूर्वाधार विकास करमा ५० प्रतिशत छुट दिने निर्णय गरेको छ। मंगलबार बसेको मन्त्रिपरिषद् बैठकले यस्तो निर्णय गरेको जानकारी संघीय मामिला तथा सामान्य प्रशासनमन्त्री प्रतिभा रावलले दिइन्। उनका अनुसार उक्त निर्णयलाई औपचारिकता दिन नेपाल राजपत्रमा सूचना प्रकाशित गर्ने निर्णय पनि गरिएको छ। मन्त्री रावलले पेट्रोलियम पदार्थको मूल्य व्यवस्थापनलाई सहज बनाउन यस्तो कदम चालिएको स्पष्ट पारिन्। उनका अनुसार मूल्य समायोजन आवश्यक रहेको भन्दै सरकारले यसलाई व्यवहारिक रूपमा अघि बढाएको हो।

२४ चैत, काठमाडौं — डोनाल्ड ट्रम्पले इरानलाई कडा चेतावनी दिँदै छोटो समयमै ठूलो सैन्य कारबाही गर्न सकिने बताएका छन्। उनले ‘Strait of Hormuz’ मंगलबारसम्म नखोले इरानका भौतिक पूर्वाधारमाथि आक्रमण गर्ने चेतावनी दिँदै आएका थिए। समयसीमा नजिकिँदै जाँदा उनले एकै रातमा देशलाई पूर्ण रूपमा ध्वस्त पार्न सकिने बताएका हुन्। ह्वाइट हाउसमा पत्रकारहरूसँग कुरा गर्दै ट्रम्पले आवश्यक परे इरानका पुल, विद्युत् उत्पादन केन्द्रलगायत सबै संरचनामा केही घण्टामै आक्रमण गर्न सकिने दाबी गरे। उनले त्यस्तो अवस्था आएपछि युद्धपछि इरानको तेल स्रोतमा नियन्त्रण गर्ने संकेत पनि दिएका छन्। यता, युद्ध रोक्न विभिन्न देश र मध्यस्थकर्ताहरूले प्रयास गरिरहेका छन्। पाकिस्तान, इजिप्ट र टर्कीले अन्तिम पहल…