२३ चैत, काठमाडौं — केपी शर्मा ओली र रमेश लेखकसँग सम्बन्धित बन्दी प्रत्यक्षीकरण रिटमाथिको सुनुवाइ आज पनि जारी रहेको छ।
आइतबार सर्वोच्च अदालतका न्यायाधीशद्वय विनोद शर्मा र सुनिलकुमार पोखरेलको इजलासले उक्त रिटमाथिको सुनुवाइ हेर्दाहेर्दैमा राखेको थियो, जुन आज पनि सोही इजलासमा अगाडि बढिरहेको छ।
गत भदौ २३ र २४ गते भएको जेनजी आन्दोलन घटनाको छानबिनका लागि गठन गरिएको पूर्वन्यायाधीश गौरीबहादुर कार्की नेतृत्वको आयोगले प्रतिवेदनमा तत्कालीन प्रधानमन्त्री ओली र तत्कालीन गृहमन्त्री लेखकमाथि अनुसन्धान गर्न सिफारिस गरेको थियो।
त्यसै आधारमा दुवै जनालाई चैत १४ गते बिहान पक्राउ गरिएको हो।
ओलीका तर्फबाट उनकी पत्नी राधिका शाक्य र लेखकका तर्फबाट पत्नी यशोधा थापाले बन्दी प्रत्यक्षीकरण रिट दायर गरेका हुन्।
