१२ जेठ, काठमाडौं — राष्ट्रिय स्वतन्त्र पार्टी (रास्वपा)का सांसद जगदीश खरेलले संसद्मा दिएको अभिव्यक्तिलाई लिएर प्रतिनिधिसभामा नियमापत्ति भएको छ। नेपाली कम्युनिस्ट पार्टी (नेकपा)का सांसद रमेश मल्लले खरेलले प्रयोग गरेको शब्द असंसदीय भएको भन्दै आपत्ति जनाएका हुन्। प्रतिपक्षी दलहरूको विरोधका बीच सभामुख डोलप्रसाद अर्यालले प्रतिनिधिसभाको बैठक अघि बढाएका थिए। सो क्रममा पर्यटन विधेयक–२०८२ माथि विचार गरियोस् भन्ने प्रस्तावमाथि छलफल सुरु गरिएको थियो। विधेयकमाथि आफ्नो धारणा राख्ने क्रममा सांसद खरेलले प्रतिपक्षी दलहरूको विरोधलाई ‘तमासा’को संज्ञा दिएका थिए। त्यसप्रति आपत्ति जनाउँदै सांसद मल्लले उक्त शब्द अपमानजनक र असंसदीय भएकाले संसदीय रेकर्डबाट हटाउन माग गरे। यस विषयले संसद्मा केही समय विवादको स्थिति सिर्जना गरेको…

१२ जेठ, काठमाडौं — प्रधानमन्त्री बालेन्द्र शाहलाई संसद्मा उपस्थित गराउने विषयमा राष्ट्रिय स्वतन्त्र पार्टी (रास्वपा)ले पहल गर्ने प्रतिबद्धता जनाएको छ। प्रधानमन्त्रीको अनुपस्थितिलाई लिएर विपक्षी दलहरूले लगातार प्रश्न उठाउँदै आएका छन्, जसका कारण सोमबार पनि प्रतिनिधिसभाको बैठक प्रभावित भयो। सदन १५ मिनेटका लागि स्थगित भएपछि सभामुखको पहलमा सत्तापक्ष र प्रतिपक्षबीच छलफल भएको थियो। छलफलका क्रममा रास्वपाका नेताहरूले प्रधानमन्त्रीलाई संसद्मा उपस्थित गराउने विषयमा पहल गर्ने बताएका हुन्। प्रतिनिधिसभा नियमावलीअनुसार हरेक महिनाको पहिलो साता प्रधानमन्त्रीसँग सांसदहरूको प्रश्नोत्तर कार्यक्रम हुनुपर्ने व्यवस्था छ। प्रधानमन्त्री बालेन्द्र शाहले यो व्यवस्था कार्यान्वयन नगरेको भन्दै विपक्षी दलहरूले संसद् अवरोध गर्दै आएका छन्। छलफलमा प्रधानमन्त्रीबाट संसद्मा सम्बोधन गराउने विषयमा सहमति…

१२ जेठ, काठमाडौं — प्रधानमन्त्री बालेन शाहले आज युरोपेली सङ्घ (इयू)मा आबद्ध देशका गैरआवासीय राजदूत तथा मिसन प्रमुखहरूसँग सामूहिक भेटवार्ता गर्ने भएका छन् । प्रधानमन्त्री तथा मन्त्रिपरिषद्को कार्यालयमा बिहान ११:३० बजे उक्त भेट तथा संवाद कार्यक्रम तय गरिएको छ । प्रधानमन्त्रीका प्रेस तथा अनुसन्धानविज्ञ दीपा दाहालका अनुसार भेटका क्रममा नेपालको वर्तमान प्राथमिकताबारे जानकारी गराइनेछ । साथै द्विपक्षीय सम्बन्धलाई थप मजबुत बनाउने तथा सहकार्यका विभिन्न विषयमा पनि छलफल गरिनेछ । यसअघि पनि चैत २५ गते प्रधानमन्त्री शाहले नेपालमा रहेका विभिन्न देशका राजदूत तथा कूटनीतिक नियोगका प्रमुखहरूसँग सामूहिक भेट तथा संवाद गरेका थिए ।

१२ जेठ, काठमाडौं — सर्वोच्च अदालतले नजिर वा कानुनी सिद्धान्तविपरीत फैसला गर्दैमा कुनै न्यायाधीशविरुद्ध अदालतको अवहेलना मुद्दा चलाउन नमिल्ने व्याख्या गरेको छ । उच्च अदालत पाटनका न्यायाधीशहरूले नजिरको सिद्धान्तविपरीत विवादास्पद आदेश दिएको भन्दै उनीहरूविरुद्ध सर्वोच्च अदालतमा अवहेलना सम्बन्धी निवेदन दर्ता गरिएको थियो । सोही निवेदनमाथि न्यायाधीश शारंगा सुवेदी र मेघराज पोखरेलको इजलासले यस्तो निर्णय गरेको हो । सर्वोच्चले फैसला वा आदेशप्रति असहमति भए त्यसका लागि अन्य कानुनी उपायहरू उपलब्ध हुने भएकाले अवहेलनाको कारबाही उपयुक्त माध्यम नहुने निष्कर्ष निकालेको छ । यो विवाद नेपाल ल क्याम्पसका विद्यार्थी विवेक चौधरीले दायर गरेको रिटसँग सम्बन्धित थियो । उनले ट्राफिक प्रहरीको कामकारबाहीमाथि प्रश्न उठाउँदै…