सर्वोच्चले माग्यो ज्योतिप्रकाश पाण्डे पक्राउको कारण

३१ वैशाख, काठमाडौं — सर्वोच्च अदालतले नेपाल इन्भेष्टमेण्ट मेगा बैंक लिमिटेडका प्रमुख कार्यकारी अधिकृत (सीईओ) ज्योतिप्रकाश पाण्डेको पक्राउविरुद्ध परेको बन्दीप्रत्यक्षीकरण निवेदनमा कारण देखाउ आदेश जारी गरेको छ।

पाण्डेकी पत्नी निरु दाहालले दायर गरेको निवेदनमाथि सुनुवाइ गर्दै न्यायाधीश अब्दुल अजिज मुसलमानको इजलासले पक्राउ गर्नुको कारण पेश गर्न सम्बन्धित पक्षलाई आदेश दिएको हो।

साथै, सर्वोच्च अदालतले अन्तरिम आदेशसम्बन्धी छलफलका लागि दुवै पक्षलाई उपस्थित हुन पनि बोलाएको छ।