२२ पुस, काठमाडौं — काठमाडौंको सिनामंगल–गैरीगाउँस्थित एक काठ गोदाममा मंगलबार अपराह्न भीषण आगलागी भएको छ ।
आगो निभाउन पठाइएका दुई दमकलमध्ये एउटा मात्र घटनास्थलमा पुगेको छ भने साँघुरो सडकका कारण अर्को दमकल पुग्न सकेको छैन ।
त्रिभुवन अन्तर्राष्ट्रिय विमानस्थलको आन्तरिक टर्मिनलका प्रमुख गोपाल घिमिरेका अनुसार हाल धुवाँका कारण उडान सञ्चालनमा कुनै अवरोध आएको छैन ।
आगलागीको खबर प्राप्त भएपछि प्रहरी टोली तत्काल घटनास्थलतर्फ परिचालन गरिएको जिल्ला प्रहरी परिसर काठमाडौंका प्रवक्ता एसपी पवनकुमार भट्टराईले जानकारी दिएका छन् ।
