२५ जेठ, काठमाडौं — प्रतिनिधिसभाको बैठक मंगलबारसम्मका लागि स्थगित गरिएको छ।
सोमबार दिउँसो सवा १ बजे बसेको बैठक प्रारम्भ भएको केही समयमै १५ मिनेटका लागि स्थगित गरिएको थियो। त्यसपछि संसद् सचिवालयले सूचना टाँस गरेर बैठक भोलिसम्मका लागि स्थगित गरिएको जानकारी गराएको हो।
प्रधानमन्त्री बालेन्द्र शाहले केही दिनअघि प्रतिनिधिसभामा नेपालले पनि केही स्थानमा भारतको भूमि मिचेको भन्ने अभिव्यक्ति दिएपछि संसद्मा विवाद उत्पन्न भएको छ।
उक्त अभिव्यक्तिको विरोध गर्दै विपक्षी दलहरूले लगातार प्रतिनिधिसभा बैठक अवरुद्ध गर्दै आएका छन्। विपक्षीहरूको माग छ कि प्रधानमन्त्रीले संसद्मै उपस्थित भएर आफ्नो भनाइ सच्याउनुपर्छ वा त्यसबारे स्पष्ट जवाफ दिनुपर्छ।
