२३ वैशाख, काठमाडौं — सरकारले वरिष्ठ चिकित्सक तथा चिकित्सा शिक्षाविद् प्रा.डा. जगदीश प्रसाद अग्रवाललाई प्रधानमन्त्री बालेन शाहको अवैतनिक स्वास्थ्य सल्लाहकारका रूपमा नियुक्त गरेको छ।
मंगलबार बसेको मन्त्रिपरिषद् बैठकले उनलाई उक्त जिम्मेवारी दिने निर्णय गरेको हो।
त्रिभुवन विश्वविद्यालयअन्तर्गत चिकित्सा शास्त्र अध्ययन संस्थान (आइओएम) का पूर्व डिन रहेका अग्रवालले अब स्वास्थ्य नीति, जनस्वास्थ्यका समस्या र चिकित्सा शिक्षाको सुधार सम्बन्धी विषयमा प्रधानमन्त्रीलाई सुझाव दिनेछन्।
प्रधानमन्त्रीका प्रेस तथा अनुसन्धान विज्ञ दीपा दाहालका अनुसार स्वास्थ्य क्षेत्रका अनुभवी व्यक्तित्वको रूपमा अग्रवालको नियुक्तिले सरकारलाई नीति निर्माण र सेवा सुधारमा उपयोगी सहयोग मिल्ने अपेक्षा गरिएको छ। साथै उनले कुनै पारिश्रमिक नलिई आफ्नो अनुभव र समय राज्यलाई दिनेछन्।
प्रधानमन्त्री शाहले आफ्नो कार्यकालमा सार्वजनिक स्वास्थ्यलाई प्राथमिकता दिएको सन्दर्भमा यो नियुक्तिलाई महत्वपूर्ण कदमका रूपमा हेरिएको छ।
