२३ वैशाख, काठमाडौं — नेपाली कांग्रेसका सभापति गगनकुमार थापाले प्रधानमन्त्री बालेन शाहले संवैधानिक परिषद्माथि प्रभाव जमाउन संसद् बोलाउने र रोक्ने रणनीति अपनाएको आरोप लगाएका छन्। सिंहदरबारस्थित कांग्रेस संसदीय दलको बैठकपछि सञ्चारकर्मीसँग कुरा गर्दै उनले यस्तो टिप्पणी गरेका हुन्। उनले वर्तमान प्रधानमन्त्रीको कार्यशैलीलाई पूर्व प्रधानमन्त्री केपी शर्मा ओलीसँग तुलना पनि गरेका छन्। थापाका अनुसार संवैधानिक परिषद्माथि नियन्त्रण कायम गर्न संसद् आह्वान र स्थगन जस्ता उपाय अपनाइएको छ। यसअघि पनि यस्तै तरिका प्रयोग गरिएको उल्लेख गर्दै उनले अहिले पनि उही प्रवृत्ति दोहोरिएको बताएका छन्। उनले पूर्व प्रधानमन्त्रीले आफ्ना नजिकका व्यक्तिलाई नियुक्त गर्न प्रयोग गरेको रणनीतिसँग अहिलेको अवस्था मिल्दोजुल्दो रहेको दाबी गरे। उनका…

२३ वैशाख, काठमाडौं — जिल्ला प्रशासन कार्यालय खोटाङले अतिक्रमित सरकारी र सार्वजनिक जग्गाको विवरण तीन दिनभित्र उपलब्ध गराउन जिल्लाका सबै स्थानीय तहलाई निर्देशन दिएको छ। दशवटै स्थानीय तहलाई पठाइएको पत्रमा अतिक्रमित जग्गाको अद्यावधिक विवरण तयार गरी पेस गर्न भनिएको छ। साथै, त्यस्ता जग्गा पहिचान गरी अतिक्रमण हटाउने योजना पनि सँगै पठाउन अनुरोध गरिएको छ। प्रशासकीय अधिकृत प्रभात ढकालद्वारा हस्ताक्षरित पत्रमा विवरण ‘हार्ड’ र ‘सफ्ट’ दुवै रूपमा बुझाउन भनिएको छ। प्रमुख जिल्ला अधिकारी रेखा कँडेलका अनुसार गृह मन्त्रालयको वैशाख १६ गतेको निर्देशनअनुसार यस्तो विवरण संकलन सुरु गरिएको हो। उनका अनुसार सरकारले अतिक्रमित सरकारी र सार्वजनिक जग्गा फिर्ता ल्याउने अभियान थालेको छ…

२३ वैशाख, काठमाडौं — सरकारले वरिष्ठ चिकित्सक तथा चिकित्सा शिक्षाविद् प्रा.डा. जगदीश प्रसाद अग्रवाललाई प्रधानमन्त्री बालेन शाहको अवैतनिक स्वास्थ्य सल्लाहकारका रूपमा नियुक्त गरेको छ। मंगलबार बसेको मन्त्रिपरिषद् बैठकले उनलाई उक्त जिम्मेवारी दिने निर्णय गरेको हो। त्रिभुवन विश्वविद्यालयअन्तर्गत चिकित्सा शास्त्र अध्ययन संस्थान (आइओएम) का पूर्व डिन रहेका अग्रवालले अब स्वास्थ्य नीति, जनस्वास्थ्यका समस्या र चिकित्सा शिक्षाको सुधार सम्बन्धी विषयमा प्रधानमन्त्रीलाई सुझाव दिनेछन्। प्रधानमन्त्रीका प्रेस तथा अनुसन्धान विज्ञ दीपा दाहालका अनुसार स्वास्थ्य क्षेत्रका अनुभवी व्यक्तित्वको रूपमा अग्रवालको नियुक्तिले सरकारलाई नीति निर्माण र सेवा सुधारमा उपयोगी सहयोग मिल्ने अपेक्षा गरिएको छ। साथै उनले कुनै पारिश्रमिक नलिई आफ्नो अनुभव र समय राज्यलाई दिनेछन्। प्रधानमन्त्री…

२३ वैशाख, काठमाडौं — नेपाली कांग्रेसले संसदीय दलको बैठक बोलाएको छ। दलका नेता भीष्मराज आङ्देम्बेले बुधबारका लागि बैठक तय गरेका हुन्। उनको सचिवालयका अनुसार बैठक दिउँसो १ बजे सिंहदरबारस्थित संसदीय दलको कार्यालयमा बस्नेछ। कांग्रेस सांसद गीता गुरुङका अनुसार बैठकमा सरकारको सिफारिसमा जारी भएका अध्यादेश र सुकुमबासी सम्बन्धी विषयमा छलफल गरिनेछ।