१३ वैशाख, काठमाडौं — उपत्यकाका विभिन्न अव्यवस्थित बस्ती हटाएपछि सरकारले भूमिहीन र सुकुमवासीहरूको पहिचान प्रक्रिया सुरु गरेको छ। शनिबार बिहानदेखि नदी किनारमा रहेका सुकुमवासी बस्ती खाली गराइएको छ। त्यसपछि त्रिपुरेश्वरस्थित दशरथ रंगशालामा विशेष डेस्क स्थापना गरी वास्तविक सुकुमवासी को हुन् भनेर विवरण संकलन र स्क्रिनिङ भइरहेको छ। यस क्रममा रंगशालामा आएका सुकुमवासीहरूलाई स्वास्थ्य सेवा पनि उपलब्ध गराइएको छ। उनीहरूको शारीरिक तथा मानसिक अवस्था बुझ्न स्वास्थ्यकर्मीहरूको टोली खटाइएको हो। प्रधानमन्त्री तथा मन्त्रिपरिषद् कार्यालयका अनुसार काठमाडौं महानगरपालिकाले स्वास्थ्य परीक्षणका लागि टोली परिचालन गरेको छ। हालसम्म कम रक्तचाप भएका ६ जना (४ पुरुष र २ महिला), ढाड तथा जोर्नी दुखाइ भएका २ पुरुष,…

१३ वैशाख, काठमाडौं — अखिल नेपाल फुटबल संघ (एन्फा) का अध्यक्ष पंकजबिक्रम नेम्बाङसहित २४ जना पदाधिकारीको पासपोर्ट कालोसूचीमा राखिएको छ। अध्यागमन विभागका अनुसार शुक्रबार एन्फासँग सम्बन्धित २४ जनाको पासपोर्ट कालोसूचीमा राख्न अनुरोध प्राप्त भएको थियो र सोही आधारमा उनीहरूको नाम कालोसूचीमा समावेश गरिएको हो। यसअघि राष्ट्रिय खेलकुद परिषदले एन्फासम्बन्धी विषयमा छानबिन गर्न कमल भट्टराईको नेतृत्वमा तीन सदस्यीय उपसमिति गठन गरेको थियो। उक्त समितिले आर्थिक अनियमितताको आशंकामा नेम्बाङसहितका पदाधिकारीको पासपोर्ट कालोसूचीमा राख्न सिफारिस गरेको बताइएको छ। यो सिफारिस युवा तथा खेलकुद मन्त्रालय हुँदै गृह मन्त्रालयमा पुगेको थियो। त्यसपछि गृह मन्त्रालयको निर्देशनअनुसार अध्यागमन विभागले एन्फाका पदाधिकारीहरूको पासपोर्ट कालोसूचीमा राखेको हो। अध्यागमन स्रोतका…