काठमाडौं, असार ५ — ललितपुरको जावलाखेलस्थित सदर चिडियाखानामा रहेका केही जीवजन्तुमा बर्डफ्लु संक्रमण पुष्टि भएपछि चिडियाखाना अर्को सूचना जारी नभएसम्मका लागि बन्द गरिएको छ। चिडियाखानाको व्यवस्थापन गर्दै आएको राष्ट्रिय प्रकृति संरक्षण कोषले शुक्रबार सूचना जारी गर्दै संक्रमणको जोखिम नियन्त्रण र आगन्तुकको सुरक्षालाई ध्यानमा राखेर तत्काल प्रभावबाट चिडियाखाना बन्द गर्ने निर्णय गरिएको जनाएको छ। कोषका अनुसार बर्डफ्लु थप फैलिन नदिन आवश्यक सतर्कता अपनाउने उद्देश्यले चिडियाखानाभित्र सञ्चालन हुँदै आएका सबै गतिविधि हालका लागि स्थगित गरिएको छ। संक्रमण नियन्त्रण तथा अवस्थाको मूल्यांकनपछि मात्रै सेवा पुनः सञ्चालनबारे निर्णय गरिने जनाइएको छ। यसअघि गत चैतमा कोशी प्रदेशबाट सुरु भएको बर्डफ्लु संक्रमण हालसम्म देशका १० जिल्लामा…

काठमाडौं, असार ५ — राष्ट्रिय स्वतन्त्र पार्टी (रास्वपा) ले महाधिवेशनअघि पार्टीको संगठनात्मक संरचना विस्तार गर्ने तयारी गरेको छ। यसअन्तर्गत थप पदाधिकारी तथा केन्द्रीय सदस्य मनोनयन गर्ने प्रस्ताव शनिबार बस्ने केन्द्रीय समिति बैठकमा पेश गर्ने तयारी गरिएको छ। पार्टी स्रोतका अनुसार प्रस्तावमा एक उपसभापति, एक महामन्त्री, दुई सहमहामन्त्री, एक कोषाध्यक्ष, एक सहकोषाध्यक्ष, एक प्रवक्ता, एक सहप्रवक्ता तथा ५० जना केन्द्रीय सदस्य मनोनीत गर्ने व्यवस्था समेटिएको छ। यसअघि सहमहामन्त्री विपिन आचार्यको संयोजकत्वमा रहेको विधान मस्यौदा समितिले ६ जना पदाधिकारी र २९ जना केन्द्रीय सदस्य मनोनयन गर्ने प्रस्ताव अघि सारेको थियो। तर, त्यसमा थप संशोधन गर्दै पदाधिकारी र केन्द्रीय सदस्यको संख्या बढाउने तयारी…

५ असार, काठमाडौं — प्रतिनिधिसभाले सरकारले जारी गरेका चारवटै अध्यादेशलाई स्वीकृति दिएपछि संघीय संसद्को तल्लो सदनको बैठक आगामी असार ११ गते बस्ने गरी स्थगित गरिएको छ। शुक्रबार बसेको बैठकमा सम्बन्धित मन्त्रीहरूले पेश गरेका अध्यादेश स्वीकृत भएपछि सभामुखले अर्को बैठक असार ११ गते दिउँसो १ बजे बस्ने जानकारी दिएका हुन्। संसद् सचिवालयका अनुसार यसबीच कुनै विशेष बैठकको आह्वान नभए नियमित कार्यसूचीअनुसार नै अर्को बैठक सञ्चालन हुनेछ। आजको बैठकमा सरकारले ल्याएका चार अध्यादेशमाथि छलफलपछि निर्णय गरिएको थियो। आवश्यक कानुनी व्यवस्था निरन्तर कायम राख्न सरकारले जारी गरेका ती अध्यादेश प्रतिनिधिसभाबाट अनुमोदन भएपछि अब तिनले विधायिकी प्रक्रियामा थप चरण पार गर्नेछन्। प्रतिनिधिसभाको अर्को बैठकमा…

असार ५, काठमाडौं —  लगातारको वर्षापछि लमजुङको खरखरे क्षेत्रमा गएको पहिरोका कारण बेँसीसहर–चामे सडक अवरुद्ध भएको छ। सडक अवरुद्ध भएपछि मनाङ जाने तथा त्यहाँबाट फर्किने दर्जनौं सवारीसाधन बाटोमै रोकिएका छन्। प्रहरीका अनुसार शुक्रबार बिहान सडकमाथिबाट ढुंगा र माटोसहितको पहिरो खसेपछि यातायात सेवा पूर्ण रूपमा प्रभावित भएको हो। वर्षा जारी रहेकाले थप पहिरो खस्ने जोखिम पनि रहेको बताइएको छ। स्थानीयवासीका अनुसार उक्त क्षेत्र वर्षेनी पहिरोको समस्याबाट प्रभावित हुँदै आएको छ। विगतमा पहिरो नियन्त्रणका लागि योजना अघि बढाइए पनि निर्माण कार्य समयमै सम्पन्न हुन नसक्दा समस्या दोहोरिने गरेको छ। यसैबीच बेँसीसहर–घलेगाउँ सडकखण्ड पनि पहिरोका कारण प्रभावित भएको जनाइएको छ। सम्बन्धित निकायले सडक…