काठमाडौं, असार १० — ड्यानिएल मुनोजको दोस्रो हाफको निर्णायक गोलमा कोलम्बियाले फिफा विश्वकप २०२६ अन्तर्गत समूह ‘के’ को खेलमा डिआर कंगोलाई १–० ले पराजित गर्दै नकआउट चरणमा स्थान सुरक्षित गरेको छ। लगातार दोस्रो जित हासिल गरेको कोलम्बियाले ६ अंकसहित समूहको शीर्ष स्थानमा आफूलाई बलियो बनाएको छ। यसअघि उसले उद्घाटन खेलमा उज्वेकिस्तानलाई ३–१ ले हराएको थियो। मेक्सिकोको ग्वाडालाहारास्थित मैदानमा भएको प्रतिस्पर्धामा कोलम्बियाले सुरुदेखि नै खेल नियन्त्रणमा राखे पनि गोलका लागि लामो समय प्रतीक्षा गर्नुपरेको थियो। डिआर कंगोका गोलरक्षक लियोनल एमपासीले पहिलो हाफमा लगातार उत्कृष्ट बचाउ गरेपछि कोलम्बिया गोलविहीन बनेको थियो। खेलको ७६औँ मिनेटमा जुआन क्वाटेरोको पासमा मुनोजले गोल गर्दै कोलम्बियालाई अग्रता…