२४ चैत, काठमाडौं — सरकारले पेट्रोल, डिजेल र मट्टितेलको आयातमा लाग्दै आएको भन्सार महसुल र पूर्वाधार विकास करमा ५० प्रतिशत छुट दिने निर्णय गरेको छ।
मंगलबार बसेको मन्त्रिपरिषद् बैठकले यस्तो निर्णय गरेको जानकारी संघीय मामिला तथा सामान्य प्रशासनमन्त्री प्रतिभा रावलले दिइन्।
उनका अनुसार उक्त निर्णयलाई औपचारिकता दिन नेपाल राजपत्रमा सूचना प्रकाशित गर्ने निर्णय पनि गरिएको छ।
मन्त्री रावलले पेट्रोलियम पदार्थको मूल्य व्यवस्थापनलाई सहज बनाउन यस्तो कदम चालिएको स्पष्ट पारिन्। उनका अनुसार मूल्य समायोजन आवश्यक रहेको भन्दै सरकारले यसलाई व्यवहारिक रूपमा अघि बढाएको हो।
