५ जेठ, काठमाडौं — प्रस्तावित प्रधानन्यायाधीशको कार्ययोजना र उनीविरुद्ध परेका उजुरीबारे अध्ययन गर्न विपक्षी दलहरूले थप समय माग गरेका छन् । सोमबार बसेको सुनुवाइ समितिको बैठकमा विपक्षी सदस्यहरूले यस्तो माग गरेका हुन् । बैठकमा नेकपाका नेता तथा समिति सदस्य वर्षमान पुनले निर्णयको दिशा लगभग पहिल्यै स्पष्ट देखिएको भए पनि प्रक्रिया पूरा गरेर अघि बढ्नुपर्ने बताएका छन् । उनले भने, “हामी कार्यपालिकाको निर्णयसँग असहमत हुनकै लागि बसेका होइनौं । संवैधानिक परिषद्मा तीनवटै अंग र विपक्षीको पनि सहभागिता हुन्छ । त्यसैले प्रक्रिया पूरा गरेर अघि बढौं । कामलाई अनावश्यक ढिला पनि नगरौं, तर अध्ययनका लागि केही समय आवश्यक छ ।” उनले नीति…

४ जेठ, काठमाडौं — नेकपा एमालेको केन्द्रीय सचिवालय बैठक भक्तपुरको गुण्डुस्थित अध्यक्ष केपी ओलीको निवासमा सुरु भएको छ । फागुन २१ मा भएको निर्वाचनपछि अध्यक्ष ओलीको उपस्थितिमा पहिलोपटक औपचारिक रूपमा बस्न लागेको यो बैठकमा नेताहरूको कार्यविभाजन मुख्य एजेन्डा रहने बताइएको छ । साथै नेताहरूको वरीयता निर्धारण र चुनावी समीक्षाका विषय पनि छलफलमा आउन सक्ने नेताहरूले बताएका छन् । तर बैठक सुरु हुनुअघि सदस्यहरूलाई छलफलका एजेन्डाबारे औपचारिक जानकारी दिइएको छैन । एक सचिवालय सदस्यले एजेन्डाबारे बैठकमै थाहा हुने र कार्यविभाजनको विषयमा छलफल हुने सुनिएको बताएका छन् । एमालेले गत पुसमा ११औँ राष्ट्रिय महाधिवेशन सम्पन्न गरे पनि हालसम्म नेताहरूको कार्यविभाजन गरेको छैन…

४ जेठ, काठमाडौं — प्रधानन्यायाधीश मनोजकुमार शर्माको सिफारिसविरुद्ध दायर गरिएका रिट निवेदन दरपीठ भएपछि त्यसको विरोधमा दिइएका निवेदन सर्वोच्च अदालत प्रशासनले होल्डमा राखेको भन्दै सोमबार ३० जना वकिल कायममुकायम प्रधानन्यायाधीश सपना प्रधान मल्ललाई भेट्न पुगेका छन् । सर्वोच्च अदालतका रजिस्ट्रारले वैशाख २५ गते प्रधानन्यायाधीश सिफारिसविरुद्ध दायर तीनवटा रिट दरपीठ गर्ने आदेश दिएका थिए । त्यसपछि सो निर्णयप्रति असन्तुष्टि जनाउँदै परेका निवेदन लामो समयसम्म दर्ता नगरिएको भन्दै वकिलहरूले चासो व्यक्त गरेका हुन् । डेलिगेसनमा अधिवक्ता विष्णुमाया बस्याल, गीता थापा लगायत सहभागी थिए । सर्वोच्च प्रशासनले करिब एक सातादेखि ती निवेदन रोकिएको अवस्थामा राखेको बताइएको छ । वरिष्ठ अधिवक्ता दिनेश त्रिपाठी, अधिवक्ता…

४ जेठ, काठमाडौं — हाल नेपालमा पश्चिमी वायुका साथै स्थानीय वायुको प्रभाव कायम रहेको छ । मौसम पूर्वानुमान महाशाखाका अनुसार यसकै प्रभावका कारण अहिले कोशी, बागमती र गण्डकी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा भइरहेको छ । आज कोशी प्रदेशका साथै बागमती र गण्डकी प्रदेशका हिमाली तथा पहाडी क्षेत्रमा सामान्यतया बदली रहने सम्भावना रहेको छ । यस्तै कर्णाली प्रदेशको हिमाली क्षेत्र र मधेश प्रदेशमा आंशिक बदली हुन सक्ने अनुमान गरिएको छ । अन्य हिमाली, पहाडी र तराई क्षेत्रको मौसम भने मुख्य रूपमा सफा रहनेछ । महाशाखाका अनुसार आगामी समयमा कोशी प्रदेशका केही स्थान तथा बागमती र गण्डकी…

४ जेठ, काठमाडौं — प्रतिनिधि सभाको बैठक आज बस्ने भएको छ । आजको बैठकमा विनियोजन विधेयकका सिद्धान्त र प्राथमिकतामाथि छलफल सुरु हुने कार्यसूची रहेको छ । यस छलफलमा कर प्रस्तावबाहेकका विषयहरू समेटिनेछन् । बैठक बिहान ११ बजेका लागि बोलाइएको छ । विनियोजन विधेयक अर्थात् आगामी बजेटका सिद्धान्त र प्राथमिकतामाथिको छलफल सम्पन्न भएपछि जेठ १५ गते आर्थिक वर्ष २०८३/८४ को बजेट प्रस्तुत गरिनेछ । बजेटका सिद्धान्त र प्राथमिकतामाथिको छलफल सुरु हुनुअघि प्रतिनिधि सभा नियमावली मस्यौदा समिति, २०८३ को प्रतिवेदनमाथि विचार गरियोस् भन्ने प्रस्ताव पनि पेश गरिनेछ । सम्भावित कार्यसूचीअनुसार उक्त प्रस्ताव समिति सभापति गणेश पराजुलीले प्रस्तुत गर्नेछन् ।

३ जेठ, काठमाडौं — नेपाली कांग्रेसले ३० वर्षमुनिका युवालाई आवेदन दिनेबित्तिकै सिधै क्रियाशील सदस्यता दिने व्यवस्था सुरु गरेको छ । सदस्यता व्यवस्थापन समितिका अनुसार ३० वर्षभन्दा कम उमेरका युवाहरूलाई अब प्रत्यक्ष रूपमा क्रियाशील सदस्यता प्रदान गर्न थालिएको हो । सदस्यता व्यवस्थापन समितिका संयोजक तथा कांग्रेस महामन्त्री प्रदीप पौडेलले युवाहरूलाई पार्टीमा उचित अवसर र स्थान दिन यो व्यवस्था लागू गरिएको बताएका छन् । उनले कान्तिपुलाईभ सँग कुरा गर्दै भने, “३० वर्षमुनिका युवालाई आवेदन दिएलगत्तै क्रियाशील सदस्यता दिन सुरु गरेका छौं । पार्टीमा युवाको सहभागिता बढाउन पनि यो आवश्यक छ ।” यसअघि कांग्रेसमा सामान्यतया साधारण सदस्यता लिएको एक वर्षपछि मात्र क्रियाशील सदस्यता…

३ जेठ, काठमाडौं — नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले अहिले देशको राजनीति र सरकार सही दिशामा अगाडि नबढिरहेको बताएका छन् । आइतबार बिहान वीरेन्द्रनगरमा आयोजित पत्रकार सम्मेलनमा उनले सरकारमाथि विभिन्न प्रश्न र आशंकाहरू उठिरहेको भन्दै अहिलेको अवस्थामा समर्थन गर्न नसकिने बताएका हुन् । उनले सुकुम्बासी समस्या अझै समाधान हुन नसकेको र त्यो अहिले पनि गम्भीर विषयकै रूपमा रहेको बताए । साथै ट्रेड युनियन र विद्यार्थीसँग सम्बन्धित मुद्दाहरू पनि उत्तिकै महत्वपूर्ण रहेको उनको भनाइ थियो । प्रचण्डले संविधान संशोधनका लागि सरकारले तयार गर्ने भनिएको बहसपत्र पनि स्पष्ट र पारदर्शी ढंगले अगाडि नआएको बताए । उनका अनुसार यो विषय…

३ जेठ, काठमाडौं — सेक्युरिटी गार्डको कामका लागि मलेसिया जान लागेका सप्तरीका अजयकुमार यादवको उडान वैशाख २९ गते तय गरिएको थियो । सरकारको ‘फ्रि भिसा फ्रि टिकट’ नीतिअनुसार म्यानपावर कम्पनीलाई प्रक्रिया शुल्कबापत बढीमा १० हजार रुपैयाँ मात्र तिर्नुपर्ने व्यवस्था भए पनि अजयले यसअघि नै ७० हजार रुपैयाँ नगद बुझाइसकेका थिए । तर कोटेश्वरस्थित ‘ग्रान्ड स्वीट जब’ नामक म्यानपावर कम्पनीले ‘३ लाख रुपैयाँभन्दा एक रुपैयाँ पनि कम नलिने’ बताएपछि उनी मलेसिया जानबाट रोकिए । रोजगारदाता कम्पनीले भिसा र टिकट पठाइसकेको भए पनि मागिएको रकम तिर्न नसक्दा अजयको वैदेशिक रोजगारीको सपना रोकियो । पछि म्यानपावर कम्पनीले बाँकी २ लाख २० हजार रुपैयाँ…

१ जेठ, काठमाडौं — प्रधानमन्त्री बालेन शाह र अर्थमन्त्री डा. स्वर्णिम वाग्लेबीच शुक्रबार भेटवार्ता भएको छ। प्रधानमन्त्री तथा मन्त्रिपरिषद् कार्यालयमा भएको भेटमा सरकारको नीति तथा कार्यक्रम र आगामी बजेटका विषयमा छलफल भएको सचिवालय स्रोतले जनाएको छ। सरकारले हिजो मात्रै नीति तथा कार्यक्रम पारित गरेको थियो। त्यसपछि प्रधानमन्त्री र अर्थमन्त्रीबीच आगामी बजेट तयारीलगायत विषयमा छलफल भएको बताइएको छ। भेटवार्तापछि अर्थमन्त्री वाग्ले प्रधानमन्त्री कार्यालयबाट बाहिरिएका छन्।

१ जेठ, काठमाडौं — पछिल्लो समय बैंकरहरू पक्राउ पर्न थालेपछि बैंक तथा वित्तीय संस्थाका सञ्चालकहरूले आफूहरू त्रासमा रहेको बताएका छन्। नेपाल इन्भेष्टमेन्ट मेगा बैंकका प्रमुख कार्यकारी अधिकृत ज्योति प्रकाश पाण्डे पक्राउ परेपछि बैंकिङ क्षेत्रमा मनोवैज्ञानिक दबाब बढेको उनीहरूको भनाइ छ। बैंक तथा वित्तीय संस्था परिसंघ नेपाल (सिबिफिन)का अध्यक्ष प्रचण्ड बहादुर श्रेष्ठले अहिलेको परिस्थितिमा सबैजना त्रासमा रहेको बताए। बिहीबार आयोजित पत्रकार भेटघाट कार्यक्रममा उनले भने, “दिनैपिच्छे कसलाई समातियो भन्ने भइरहेको अवस्थामा त्रास कसलाई हुँदैन र?” उनले बैंकमा रहेको धितोमाथि पहिलो अधिकार बैंककै हुने कानुनी व्यवस्था राम्रोसँग नबुझी भइरहेको पक्राउले बैंकिङ क्षेत्रमा गम्भीर मनोवैज्ञानिक असर परेको बताए। सिबिफिनका वरिष्ठ उपाध्यक्ष राजेश उपाध्यायले…