२४ वैशाख, काठमाडौं — राष्ट्रपति रामचन्द्र पौडेलले लोकतन्त्रलाई बलियो बनाउन र नागरिकको सही सूचना पाउने अधिकार सुरक्षित गर्न जिम्मेवार तथा मर्यादित पत्रकारिता आवश्यक रहेको बताएका छन्। राष्ट्रिय पत्रकारिता दिवसको अवसरमा आयोजित कार्यक्रममा सम्बोधन गर्दै उनले यस्तो धारणा राखेका हुन्। वि.सं. १९५८ मा गोरखापत्र प्रकाशन सुरु भएको दिनको सम्झनामा मनाइने २४ वैशाखका अवसरमा राष्ट्रपतिले देशभरका पत्रकार तथा सञ्चारकर्मीलाई शुभकामना दिएका छन्। कार्यक्रममा उनले ‘वरिष्ठ पत्रकार सम्मान’ र ‘राष्ट्रिय पत्रकारिता पुरस्कार’ प्राप्त पत्रकारहरूलाई सम्मान गर्दै पत्रकारितामा उनीहरूले दिएको योगदानको प्रशंसा गरेका छन्। राष्ट्रपतिले अग्रज पत्रकारहरूको मेहनत र समर्पणले नयाँ पुस्तालाई सत्य, व्यावसायिकता र नैतिकताको बाटोमा अघि बढ्न प्रेरणा दिने विश्वास व्यक्त गरेका…

२४ वैशाख, काठमाडौं — पूर्वसञ्चारमन्त्री तथा राष्ट्रिय स्वतन्त्र पार्टी (रास्वपा) का सांसद जगदिश खरेलले आफूविरुद्ध नियोजित रूपमा गलत प्रचार गरिएको भन्दै आपत्ति जनाएका छन्। सामाजिक सञ्जालमार्फत प्रतिक्रिया दिँदै उनले आफूले कुनै गल्ती नगरेको र त्यसैले कुनै डर नभएको बताएका छन्। सञ्चारमन्त्री रहेका बेला स्मार्ट टेलिकमसँग सम्बन्धित अर्बौं रुपैयाँ हिनामिना गरेको आरोपसहित विभिन्न समाचार सार्वजनिक भएका थिए। तर खरेलले ती आरोप असत्य भएको दाबी गर्दै आफ्ना समर्थक र शुभेच्छुकलाई भ्रममा नपर्न आग्रह गरेका छन्। उनले सत्य लुकाउन नसकिने भन्दै आफ्नो इमानदारी नै आफ्नो बल भएको उल्लेख गरेका छन्। सुशीला कार्की नेतृत्वको सरकारमा मन्त्री बनेका खरेल हाल रास्वपाबाट ललितपुर–२ क्षेत्रका निर्वाचित सांसद…

२४ वैशाख, काठमाडौं — पूर्वराष्ट्रपति डा. रामवरण यादवसहित केही पूर्वविशिष्ट व्यक्तिहरूले विदेशमा उपचार गराउँदा राज्यकोषबाट गैरकानुनी रूपमा खर्च लिएको आरोपसहित सर्वोच्च अदालतमा रिट दायर गरिएको छ। सरोज न्यौपानेले बिहीबार दायर गरेको रिटमा पूर्वराष्ट्रपति रामवरण यादव, पूर्वप्रधानमन्त्री केपी शर्मा ओली र झलनाथ खनाल तथा पूर्वपरराष्ट्रमन्त्री सुजाता कोइरालालाई विपक्षी बनाइएको छ। रिटमा विदेश उपचार खर्च राज्यले व्यहोर्ने स्पष्ट कानुनी व्यवस्था नभएको अवस्थामा मन्त्रिपरिषद्को निर्णयमार्फत उपचार खर्च उपलब्ध गराइएको उल्लेख गरिएको छ। सर्वोच्च अदालतका प्रवक्ता अर्जुनप्रसाद कोइरालाका अनुसार उक्त रिटमाथिको सुनुवाइ शुक्रबारका लागि तय गरिएको छ। यसअघि पनि पूर्वपदाधिकारीहरूले नेपालमै उपचार सम्भव हुँदाहुँदै विदेशमा उपचार गराउने र त्यसको खर्च सरकारले व्यहोर्ने अभ्यास हुँदै…

२४ वैशाख, काठमाडौं — लगातारको वर्षापछि आएको बाढी र पहिरोका कारण देशका विभिन्न मुख्य राजमार्गहरूमा यातायात प्रभावित भएको छ। नेपाल प्रहरीले सार्वजनिक गरेको पछिल्लो विवरणअनुसार कोशी, बागमती र कर्णाली प्रदेशका केही सडक खण्डमा अवरोध देखिएको छ। कोशी प्रदेशअन्तर्गत भोजपुर, संखुवासभा र इलामका सडकमा समस्या देखिएको छ। मध्यपहाडी लोकमार्गको भोजपुर नगरपालिका–५ बोखिम क्षेत्रमा वैशाख १२ गतेदेखि आएको बाढीका कारण सडक प्रभावित भएको हो। हाल त्यहाँ वैकल्पिक मार्ग प्रयोग गरेर एकतर्फी यातायात सञ्चालन भइरहेको छ। त्यस्तै, संखुवासभाको मकालु गाउँपालिका–३ नयाँबस्ती क्षेत्रमा वैशाख २३ गते राति पहिरो खसेपछि कोशी राजमार्ग अवरुद्ध भएको थियो। अहिले भने बिहान ५ बजेदेखि सडकमा एकतर्फी सवारी सञ्चालन सुरु…