७ जेठ, काठमाडौं — प्रतिनिधिसभा नियमावलीअनुसार प्रधानमन्त्रीसँग प्रश्नोत्तर कार्यक्रम सञ्चालन गर्न प्रधानमन्त्री बालेन शाहलाई संसदमा उपस्थित गराउनुपर्ने माग गर्दै प्रतिपक्षी सांसदहरूले विरोध जनाएका छन् । प्रतिपक्षी सांसदहरूले नियमावली कार्यान्वयनको माग गर्दै संसद बैठक अवरुद्ध गरेपछि सभामुख डिपी अर्याल प्रधानमन्त्रीसँग भेट गर्न सिंहदरबारस्थित प्रधानमन्त्री कार्यालय पुगेका हुन् । विरोधका कारण सभामुख अर्यालले बैठक १५ मिनेटका लागि स्थगित गरेका थिए । रास्वपाका एक नेताका अनुसार सभामुख र प्रधानमन्त्रीबीच छोटो भेटवार्ता भएको छ । उनले भने, “सभामुख अहिले दलका प्रमुख सचेतक र सचेतकहरूसँग छलफलमा हुनुहुन्छ ।” प्रतिनिधिसभा नियमावलीमा रहेको प्रधानमन्त्रीसँग प्रश्नोत्तर कार्यक्रमको व्यवस्था कार्यान्वयन नगरी अघि बढ्न खोजिएको भन्दै सभामुख अर्यालमाथि दबाब बढेको…

७ जेठ, काठमाडौं — प्रतिनिधि सभाका स्वतन्त्र सांसद महावीर पुनले बाँदर आतंकको समस्या समाधान गर्न अनुसन्धान आवश्यक रहेको बताएका छन् । यसका लागि ५ देखि ७ करोड रुपैयाँसम्म बजेट छुट्याउनुपर्ने उनको भनाइ छ । हाल विभिन्न सांसदहरूले बाँदर आतंक बढेको भन्दै सरकारसँग समाधानको माग गर्दै आएका छन् । एमाले सांसद राजेन्द्र राईले त बाँदर नियन्त्रणका लागि एक साताको अल्टिमेटमसमेत दिएका थिए । यसै विषयलाई लक्षित गर्दै महावीर पुनले संसदमा आवाज उठाएर मात्र बाँदर समस्या समाधान नहुने बताएका छन् । उनले भने, “बाँदर आतंक कम गर्न अनुसन्धान गर्नैपर्छ, संसदमा कराएर मात्र केही हुँदैन । यहाँ धेरै सांसदहरू कराइरहेको देखियो ।” उनले…

७ जेठ, काठमाडौं — संघीय संसदअन्तर्गत रहेका विभिन्न विषयगत समितिहरूमा आगामी आर्थिक वर्षको बजेटका नीतिगत प्राथमिकता र भूमिहीन नागरिकका समस्या सम्बन्धी विषयमा छलफल हुने भएको छ । प्रतिनिधिसभाअन्तर्गतको अर्थ समितिले आगामी आर्थिक वर्ष २०८१/८२ को बजेटमा समावेश गर्नुपर्ने नीतिगत विषयहरूबारे विज्ञहरूसँग परामर्श गर्ने तयारी गरेको छ । बैठकमा अर्थविद् तथा सम्बन्धित क्षेत्रका विज्ञहरूले देशको वर्तमान आर्थिक चुनौतीलाई ध्यानमा राख्दै बजेटका प्राथमिकता र नीतिगत सुधारका विषयमा सुझाव दिनेछन् । बजेट निर्माणको तयारी भइरहेका बेला समितिले सरोकारवाला पक्षसँग छलफललाई थप सक्रिय बनाएको हो । यसैगरी राष्ट्रिय सभाअन्तर्गतको सार्वजनिक नीति तथा प्रत्यायोजित विधायन समिति र संघीयता सबलीकरण तथा राष्ट्रिय सरोकार समितिले भूमिहीन नागरिकहरूको…

७ जेठ, काठमाडौं — पूर्वी नवलपरासीको कावासोती नगरपालिका–१ स्याउली टोलमा जेठ १ गते मृत अवस्थामा भेटिएको गैँडालाई करेन्ट लगाएर मारिएको पुष्टि भएको छ । चितवन राष्ट्रिय निकुञ्जबाट खटिएको प्राविधिक टोलीले गैँडाको पोस्टमार्टम गरेपछि विद्युतीय धराप प्रयोग गरेर मारिएको पुष्टि भएको निकुञ्जका सूचना अधिकारी अविनास थापामगरले जानकारी दिएका छन् । पूर्व–पश्चिम राजमार्गबाट करिब दुई किलोमिटर उत्तरतर्फ भीमप्रसाद दर्जीले भोगचलन गर्दै आएको ऐलानी जग्गामा करिब २५ वर्षको भाले गैँडा मृत अवस्थामा फेला परेको थियो । मकैबारीभित्र भेटिएको उक्त गैँडाको नाकबाट रगत बगेको देखिएको थियो भने शरीरको पछाडिको दाहिने भाग र पुच्छरतर्फ चिरा परेको घाउ पनि भेटिएको थियो । गैँडाको खाग र चारवटै…