२६ जेठ, काठमाडौं — राष्ट्रिय प्रजातन्त्र पार्टी (राप्रपा)ले आर्थिक विधेयकमा करसम्बन्धी व्यवस्था फेरबदल गरिएको विवादका बीच अर्थमन्त्री डा. स्वर्णिम वाग्लेको राजीनामा माग गरेको छ। प्रतिनिधिसभामा बोल्दै राप्रपाकी प्रमुख सचेतक खुश्बु ओलीले घटनाबारे निष्पक्ष छानबिन आवश्यक रहेको बताउँदै छानबिन प्रक्रिया अगाडि बढाउन अर्थमन्त्रीले पदबाट अलग हुनुपर्ने धारणा राखिन्। ‘नैतिकता र निष्पक्षताको दृष्टिकोणले उहाँ (अर्थमन्त्री) जिम्मेवारीबाट पर रहनुपर्छ,’ ओलीले भनिन्। संसद्मा दर्ता भइसकेको आर्थिक विधेयकको १६ पृष्ठ हटाएर अर्थ मन्त्रालयले संशोधित स्वरूपमा आफ्नो वेबसाइटमा प्रकाशित गरेपछि सरकारको आलोचना भइरहेको छ। संसद्मा पेश गरिएको आर्थिक विधेयक ४६४ पृष्ठको रहेकामा पछि मन्त्रालयको वेबसाइटमा राखिएको संस्करण ४४८ पृष्ठको देखिएको छ। विवादको मुख्य विषय करसम्बन्धी व्यवस्थामा…

२६ जेठ, काठमाडौं — सभामुख डोलप्रसाद अर्यालले प्रतिनिधिसभा बैठकका क्रममा विपक्षी सांसदहरूले गरेको मौनधारणलाई लिएर आपत्ति जनाएका छन्। मंगलबारको प्रतिनिधिसभा बैठकमा नेपाली कांग्रेसका सचेतक निश्कल राईले सहिदहरूको सम्मानमा पाँच मिनेट मौनधारण गर्न आग्रह गरेका थिए। विपक्षी सांसदहरूले मौनधारण गरेलगत्तै सभामुख अर्यालले त्यसप्रति असन्तुष्टि व्यक्त गरेका हुन्। सभामुख अर्यालले सहिदहरूप्रति सम्मान व्यक्त गर्नु सबै सांसदहरूको साझा दायित्व भए पनि सभामुखले सञ्चालन गरिरहेको बैठकमा आफ्नै निर्णयबाट समय तोकेर कार्यक्रम सञ्चालन गर्नु संसदीय प्रक्रियाअनुकूल नभएको बताएका छन्। ‘सहिदहरूप्रति हामी सबै सम्मान व्यक्त गर्छौं र गरिरहन्छौं,’ सभामुखले भने, ‘तर प्रतिनिधिसभाको बैठक सञ्चालन भइरहेका बेला सदस्यहरूले आफ्नै विवेकले समय निर्धारण गरेर जुन प्रकारको गतिविधि गर्नुभयो,…

२६ जेठ, काठमाडौं — प्रधानमन्त्री बालेन्द्र शाहले प्रतिनिधिसभा सदस्य सुधन गुरुङलाई गृहमन्त्रीमा नियुक्त गर्नका लागि राष्ट्रपति रामचन्द्र पौडेलसमक्ष सिफारिस गरेका छन्। गुरुङले आजै दिउँसो ३ बजे राष्ट्रपतिबाट पद तथा गोपनीयताको शपथ लिने तयारी रहेको जनाइएको छ। यसअघि गुरुङ चैत १३ गते गृहमन्त्री नियुक्त भएका थिए। तर, सम्पत्ति विवरणसम्बन्धी विषयमा प्रश्न उठेपछि उनले पदबाट राजीनामा दिएका थिए। उनीसँग सम्बन्धित सार्वजनिक सरोकारका विषयमा अध्ययन तथा छानबिन गर्न सरकारले समिति गठन गरेको थियो। अच्युतप्रसाद भण्डारीको अध्यक्षतामा गठित समितिले गत शुक्रबार प्रधानमन्त्री शाहलाई आफ्नो प्रतिवेदन बुझाएको थियो। सोमबार बसेको मन्त्रिपरिषद् बैठकले उक्त प्रतिवेदन ग्रहण गरेको छ। त्यसपछि गुरुङलाई पुनः गृहमन्त्रीमा नियुक्तिका लागि सिफारिस गरिएको…