१८ कात्तिक, काठमाडौं — सरकारले दानबहादुर कार्कीलाई जिम्मेवारीबाट मुक्त गरेपछि एआईजी डा. मनोज केसी नेपाल प्रहरीको ३४औँ प्रहरी महानिरीक्षक (आईजीपी) बनेका छन्। बुधबार बसेको मन्त्रिपरिषद् बैठकले प्रहरीको अपराध अनुसन्धान विभागका प्रमुख रहेका एआईजी केसीलाई आईजीपीमा बढुवा गर्ने निर्णय गरेको हो। २७ चैत २०८४ सम्म कार्यकाल रहेका तत्कालीन आईजीपी दानबहादुर कार्कीलाई प्रधानमन्त्रीको विशेष सुरक्षा सल्लाहकारमा सरुवा गर्दै सरकारले केसीलाई नयाँ आईजीपी नियुक्त गरेको हो। कार्कीको अझै करिब डेढ वर्ष सेवा अवधि बाँकी रहँदै उनलाई हटाएर केसीलाई आईजीपी बनाउने निर्णय गरिएको छ। यसअघि पनि सरकारले २०५३ सालमा अच्युत कृष्ण खरेललाई आईजीपी पदबाट हटाएर राष्ट्रिय अनुसन्धान विभागमा सरुवा गरेको थियो। तर, खरेल त्यहाँ…

१८ कात्तिक, काठमाडौं — बझाङमा जिप दुर्घटना हुँदा दुई जनाको मृत्यु भएको छ भने ६ जना घाइते भएका छन्। घाइतेमध्ये पाँच जनाको अवस्था गम्भीर रहेको प्रहरीले जनाएको छ। बुधबार बिहान करिब १० बजे केदारस्युँ गाउँपालिका–७ काँडाचौरतर्फ जाँदै गरेको सु.प.प्र.०१–००१ च ४३७६ नम्बरको जिप दुर्घटनामा परेको हो। दुर्घटनामा केदारस्युँ गाउँपालिका–७ काँडाचौरकी २७ वर्षीया पविता धामी र ४० वर्षीय गोपाल धामीको मृत्यु भएको बझाङका प्रमुख प्रहरी नायब उपरीक्षक (डीएसपी) टेकबहादुर जोराले जानकारी दिए। दुर्घटनामा केदारस्युँ गाउँपालिका–७ का ४५ वर्षीय प्रेमबहादुर धामी, ३२ वर्षीय रमेश धामी, २६ वर्षीय रमेश धामी, दुर्गाथली गाउँपालिका–६ की ४२ वर्षीया शारदा धामी जाग्री र सोही ठाउँका ४२ वर्षीय…

१८ कात्तिक, काठमाडौं — भारतीय विदेश सचिव विक्रम मिश्री दुईदिने औपचारिक भ्रमणका लागि काठमाडौं आइपुगेका छन्। उनी केहीबेरअघि त्रिभुवन अन्तर्राष्ट्रिय विमानस्थलमा अवतरण गरेका हुन्। विदेश सचिव मिश्रीको नेपाल भ्रमण प्रधानमन्त्री वालेन्द्र शाहको भारत भ्रमणको तयारीका क्रममा भएको हो। स्रोतका अनुसार उनले आजैदेखि विभिन्न भेटघाट सुरु गर्नेछन्। उनको कार्यक्रम तालिकामा प्रधानमन्त्री शाहसँग भेट गर्ने कार्यक्रमसमेत रहेको छ। भारतीय विदेश सचिव मिश्री भोलि काठमाडौंबाट नयाँदिल्ली फर्किने कार्यक्रम रहेको छ।