१९ कात्तिक, काठमाडौं — आफूलाई प्रहरी महानिरीक्षक (आईजीपी) पदबाट हटाइएको भन्दै निवर्तमान आईजीपी दानबहादुर कार्की सर्वोच्च अदालत पुगेका छन्। उनको तर्फबाट केहीबेरअघि वकिलहरू रिट लिएर सर्वोच्च अदालत पुगेका हुन्। सरकारले हिजो मात्रै कार्कीलाई आईजीपी पदबाट हटाएर प्रधानमन्त्रीको विशेष सुरक्षा सल्लाहकार नियुक्त गरेको थियो। आफूमाथि अन्याय भएको भन्दै कार्कीले सर्वोच्च अदालतको कानुनी बाटो रोजेका हुन्। सर्वोच्च अदालतको प्रशासनिक प्रक्रिया पूरा भएपछि मात्रै उनले पेस गरेको रिट दर्ता हुने वा नहुने टुंगो लाग्नेछ। बुधबार बसेको मन्त्रिपरिषद् बैठकले कार्कीलाई आईजीपी पदबाट हटाएर उनको स्थानमा एआईजी मनोज केसीलाई नियुक्त गर्ने निर्णय गरेको थियो। मन्त्रिपरिषद्ले प्रधानमन्त्री तथा मन्त्रिपरिषद्को कार्यालयमा विशेष सुरक्षा सल्लाहकारको पद सिर्जना गरी…

१९ कात्तिक, काठमाडौं — नेपाली कांग्रेसका सहमहामन्त्री अजयबाबु शिवाकोटीले सरकारको भय र भ्रमबाट आफू विचलित नहुने बताएका छन्। उनले आज बिहान सामाजिक सञ्जाल फेसबुकमार्फत लेख्दै भनेका छन्, ‘सरकार तिम्रो भय र पारेको भ्रमले विचलित हुन्न, प्रहरी लगाएर खोज्नु पर्दैन, काठमाडौं आउँदैछु।’ शिवाकोटीले पारिवारिक भ्रमणका क्रममा आफू केही दिनदेखि भारतमा रहेको र साइबर ब्यूरोले आफूलाई बोलाएको जानकारी पाएपछि नेपाल फर्किरहेको बताएका छन्। उनले भने, ‘म पारिवारिक भ्रमणका क्रममा भारतमा थिएँ। मेरा दोलखाका एक साथीमार्फत् मलाई साइबर ब्यूरोले बोलाएको भन्ने जानकारी पाएपछि नेपाल फर्कँदैछु। अहिले झापा आइपुगेँ, अब जहाजमार्फत काठमाडौं आउँछु।’ नेपाली कांग्रेसले भने धार्मिक यात्रामा रहेका शिवाकोटीलाई फोन सम्पर्क गरी साइबर…