१९ साउन, काठमाडौं — सुनसरी घटनामा घाइते भएका थप एक जनाको उपचारका क्रममा मृत्यु भएको छ।
जिल्ला प्रहरी परिसर काठमाडौंका एसएसपी दिलीप घिमिरेका अनुसार २२ वर्षीय रवीन्द्र मेहेताको मंगलबार त्रिभुवन विश्वविद्यालय शिक्षण अस्पताल, महाराजगञ्जमा उपचारका क्रममा निधन भएको हो।
प्रहरीका अनुसार घटनामा घाइते भएका अर्का एक जनाको भने वीर अस्पतालमा उपचार भइरहेको छ।
यसअघि सुनसरी घटनासँग सम्बन्धित हिंसामा सुनसरीमा दुई जना र सिरहामा एक जनाको मृत्यु भएको थियो। सुनसरीको कप्तानगञ्जमा ओमप्रकाश मेहेता र जयप्रकाश मेहेताको ज्यान गएको थियो भने सिरहामा गणेश यादवको मृत्यु भएको थियो।
रवीन्द्र मेहेताको निधनसँगै यस आन्दोलनका क्रममा ज्यान गुमाउनेको संख्या चार पुगेको छ।
