२५ साउन, काठमाडौं — निजी क्षेत्रको प्रमुख दूरसञ्चार सेवा प्रदायक कम्पनी एनसेलले सरकारको कार्यशैली र व्यावसायिक वातावरणप्रति गम्भीर असन्तुष्टि जनाएको छ। अर्थमन्त्रालयमा आयोजित एक कार्यक्रममा एनसेलका चिफ कर्पोरेट एन्ड रेगुलेटरी अफिसर डिल्लीराम श्रेष्ठले लगानीकर्तामाथि धरपकड र फौजदारी मुद्दा चलाउने वातावरणले मुलुकमा लगानीको सुरक्षामाथि नै प्रश्न उठाएको बताएका हुन्। अर्थमन्त्री डा. स्वर्णिम वाग्लेले सोमबार नेपालमा क्रियाशील बहुराष्ट्रिय कम्पनीका प्रतिनिधिहरूसँग गरेको छलफलमा श्रेष्ठले आफूहरू पछिल्लो परिस्थितिको ‘पीडित’ बनेको गुनासो गरे। बैंक तथा वित्तीय संस्थाले नियमानुसार अघि बढाएको लिलामी प्रक्रियामा सहभागी भएकै कारण एनसेलका लगानीकर्तालाई धरपकड र कानुनी झमेलामा पार्ने प्रयास भइरहेको खबरले स्तब्ध बनाएको उनको भनाइ थियो। "हामी नियमसंगत रूपमा लिलामी प्रक्रियामा…

१७ चैत, काठमाडौं — सरकारले देशको मुख्य प्रशासनिक केन्द्र सिंहदरवार प्रवेशमा एकाएक कडाइ गर्न थालेको छ। बिना कुनै औपचारिक सूचना सुरक्षाकर्मीले प्रवेशद्वारमै पुराना अस्थायी पासहरू जफत गर्न थालेपछि सर्वसाधारण र सरोकारवालाहरू अलमलमा परेका छन्। विगत लामो समयदेखि विभिन्न मन्त्रालयहरूले जारी गर्ने गरेका अस्थायी पासका आधारमा सिंहदरवार प्रवेश पाउँदै आएका आगन्तुकहरूलाई अहिले गेटमै रोक लगाइएको छ। "नयाँ पास जारी नहुञ्जेल पुराना पास चल्दैनन्" भन्दै गेटमा खटिएका प्रहरीले पुराना पासहरू लिने गरेका छन्। मन्त्रालयहरू भन्छन्  "हामीलाई जानकारी छैन" पास खारेजी र प्रवेशमा कडाइ गरिएको सम्बन्धमा सिंहदरवार भित्रका विभिन्न सरकारी निकाय र मन्त्रालयहरूसँग बुझ्दा उनीहरूले यसबारे कुनै लिखित जानकारी प्राप्त नभएको बताएका छन्।…

१६ चैत, काठमाडौं — नेकपा एमालेका अध्यक्ष एवं पूर्वप्रधानमन्त्री केपी शर्मा ओली र नेपाली कांग्रेसका नेता एवं पूर्वगृहमन्त्री रमेश लेखकलाई थुनामा राखेको विरुद्ध दायर भएको बन्दी प्रत्यक्षीकरण रिटमा आज सर्वोच्च अदालतमा सुनुवाइ हुँदैछ। न्यायाधीशद्वय मेघराज पोखरेल र कुमार रेग्मीको इजलासमा उक्त मुद्दाको पेसी तोकिएको हो। गोलाप्रथाबाट तोकिएको पेसी सूचीमा दुवै नेताका मुद्दाहरू सम्बन्धित इजलासको पहिलो नम्बरमा रहेका छन्। के हो घटना? गत भदौ २३ र २४ गते भएको 'जेन-जी' (Gen-Z) आन्दोलनका क्रममा अत्याधिक बल प्रयोग गरी हत्या भएको अभियोग (कर्तव्य ज्यान) मा अनुसन्धानका लागि प्रहरीले ओली र लेखकलाई गत शनिबार पक्राउ गरेको थियो। उनीहरूलाई आइतबार जिल्ला अदालत काठमाडौँले अनुसन्धानका लागि ५…

२५ मंसिर, काठमाडौं — अष्ट्रेलियाले १६ वर्षमुनिका बालबालिकालाई सामाजिक सञ्जाल प्रयोग गर्न रोक लगाउने नयाँ नियम कार्यान्वयनमा ल्याएको छ। अब फेसबुक, इन्स्टाग्राम, टिकटक, स्न्यापच्याट, युट्युबसहितका प्लेटफर्मले १६ वर्षभन्दा कम उमेरका प्रयोगकर्ताको खाता खोल्न नदिनुका साथै सक्रिय खाता पनि बन्द गर्नुपर्नेछ। नियम नमान्ने कम्पनीमाथि कडा जरिवाना लगाइने चेतावनी सरकारले दिएको छ। अष्ट्रेलियाली सरकारले बालबालिकाको मानसिक स्वास्थ्यमा परेको असर, साइबर दुव्र्यवहार र बढ्दो अनलाइन जोखिमका कारण यो कदम चालिएको जनाएको छ। प्रधानमन्त्री एन्टोनी आल्बानेजेले सामाजिक सञ्जालले कम उमेरका प्रयोगकर्तालाई गम्भीर रूपमा प्रभावित गर्न थालेपछि नियन्त्रण अनिवार्य भएको बताए। नयाँ नियमले कम्पनीहरूलाई प्रयोगकर्ताको उमेर जाँच गर्ने प्रणाली अनिवार्य बनाएको छ। उमेर प्रमाणित गर्न…

२५ मंसिर, काठमाडौं — उत्कृष्ट बलिङ प्रदर्शन सहित लुम्बिनी लायन्स नेपाल प्रिमियर लिग (एनपीएल) को फाइनलमा प्रवेश गरेको छ। बिहीबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको क्वालिफायर–२ मा लुम्बिनीले विराटनगर किंग्सलाई ४० रनले पराजित गर्दै उपाधि भिडन्त सुनिश्चित गरेको हो। टसपछि ब्याटिङ आमन्त्रण पाएको लुम्बिनीले निर्धारित २० ओभरमा ८ विकेटका क्षतिमा १३४ रन बनायो। जवाफमा आएको विराटनगर १७.५ ओभरमै ९४ रनमा समेटिँदै पराजित भयो। लगातार दोस्रो खेलमा विराटनगर १ सय रनमुनि अलआउट भएको हो। लुम्बिनीले अब शनिबार हुने फाइनलमा सुदूरपश्चिम रोयल्ससँग भिड्नेछ। लगातार पाँच खेलमा जित दर्ता गरेको लुम्बिनी इलिमिनेटरमा काठमान्डु गोर्खाजलाई पराजित गरेर क्वालिफायर–२ पुगेको थियो, जबकि विराटनगर क्वालिफायर–१…