२४ वैशाख, काठमाडौं — पूर्वसञ्चारमन्त्री तथा राष्ट्रिय स्वतन्त्र पार्टी (रास्वपा) का सांसद जगदिश खरेलले आफूविरुद्ध नियोजित रूपमा गलत प्रचार गरिएको भन्दै आपत्ति जनाएका छन्।
सामाजिक सञ्जालमार्फत प्रतिक्रिया दिँदै उनले आफूले कुनै गल्ती नगरेको र त्यसैले कुनै डर नभएको बताएका छन्।
सञ्चारमन्त्री रहेका बेला स्मार्ट टेलिकमसँग सम्बन्धित अर्बौं रुपैयाँ हिनामिना गरेको आरोपसहित विभिन्न समाचार सार्वजनिक भएका थिए। तर खरेलले ती आरोप असत्य भएको दाबी गर्दै आफ्ना समर्थक र शुभेच्छुकलाई भ्रममा नपर्न आग्रह गरेका छन्।
उनले सत्य लुकाउन नसकिने भन्दै आफ्नो इमानदारी नै आफ्नो बल भएको उल्लेख गरेका छन्।
सुशीला कार्की नेतृत्वको सरकारमा मन्त्री बनेका खरेल हाल रास्वपाबाट ललितपुर–२ क्षेत्रका निर्वाचित सांसद हुन्।
खरेलले आफूविरुद्ध फैलाइएका भ्रामक र नियोजित आरोपले आफ्नो चरित्र र राजनीतिक भविष्यमा असर पार्न खोजिएको बताएका छन्। साथै उनले यस विषयमा कानुनी प्रक्रिया अगाडि बढाउने चेतावनी पनि दिएका छन्।
यस्तो छ खरेलको प्रष्टोक्ति–
