२५ मंसिर, काठमाडौं — नेपाली कांग्रेस डडेलधुराले आगामी प्रतिनिधिसभा निर्वाचनका लागि सभापति तथा पूर्वप्रधानमन्त्री शेरबहादुर देउवाको नाम एकल रूपमा सिफारिस गरेको छ।
डडेलधुरा कांग्रेसको बिहीबार बसेको बैठकले प्रतिनिधिसभा सदस्य (प्रत्यक्ष) का उम्मेदवारका रूपमा देउवाको एकमात्र नाम सिफारिस गर्ने निर्णय गरेको हो।
त्यसैगरी, समानुपातिक तर्फ नरभान कामी र मानकुमारी थापा तथा राष्ट्रियसभा तर्फ भीमबहादुर साउँद र रघुवर भट्टको नाम सिफारिस गरिएको जिल्ला सचिव हेमराज चटौतले जानकारी दिए।
सभापति देउवा डडेलधुराबाट आठौँ पटक प्रतिनिधिसभा सदस्यका लागि चुनाव लड्न तयारी अवस्थामा छन्।
यसअघि उनले २०४८, २०५१, २०५६, २०६४, २०७०, २०७४ र २०७९ सालका निर्वाचनमा डडेलधुराबाटै लगातार विजय हासिल गरेका छन्।
