संसद् कार्यप्रणाली सुधार्न नयाँ नियमावली बनाउने निर्णय

२३ चैत, काठमाडौं — प्रतिनिधिसभाको कार्यप्रणाली सुधार गर्न सर्वदलीय बैठकले नयाँ नियमावली तयार गर्ने निर्णय गरेको छ।

संसद्को कामकारबाहीलाई थप प्रभावकारी बनाउने उद्देश्यले आज बसेको बैठकले विद्यमान प्रतिनिधिसभा नियमावली २०७९ संशोधन गर्न मस्यौदा समिति गठन गर्ने निष्कर्ष निकालेको हो।

त्यसैगरी, बैठकले २१ सदस्यीय कार्यव्यवस्था परामर्श समिति गठन गर्ने निर्णय पनि गरेको छ, जुन व्यवस्था नियमावलीमै उल्लेख गरिएको छ।

साथै, संसद्को कामलाई क्रमशः डिजिटल माध्यमतर्फ लैजाने विषयमा पनि सहमति भएको छ।