शनिबारदेखि सुरु बस्ती हटाउने काम सोमबार पनि जारी

१३ वैशाख, काठमाडौं — राजधानीका सुकुमबासी बस्तीहरूमा आज पनि डोजर प्रयोग गरी संरचना हटाउने काम जारी राखिएको छ। सार्वजनिक जग्गा अतिक्रमण हटाउन यस्तो कदम चालिएको हो।

गैरीगाउँ क्षेत्रमा सोमबार बिहानदेखि दुई वटा डोजर प्रयोग गरेर सुकुमबासी बस्ती हटाउने काम भइरहेको छ।

त्यस्तै, भक्तपुरको मनोहरा क्षेत्रमा रहेका सुकुमबासी बस्तीमा १७ वटा डोजर प्रयोग गरी घरटहरा भत्काइँदै छन्।

मनोहरा बस्तीमा आइतबार बिहानदेखि नै हटाउने काम सुरु गरिएको थियो भने गैरीगाउँ र थापाथलीका बस्तीमा शनिबारदेखि नै डोजर चलाइएको थियो।