१४ वैशाख, काठमाडौं — नेपाली कांग्रेसले आज संसदीय दलको नेता चयन गर्ने तयारी गरेको छ। यसका लागि बिहान ११ बजे केन्द्रीय कार्यसम्पादन समितिको बैठक बोलाइएको छ भने दिउँसो १ बजे संसदीय दलको बैठक बस्नेछ। कांग्रेसका कार्यवाहक मुख्य सचिव कृष्णप्रसाद दुलालका अनुसार आजको बैठकको मुख्य उद्देश्य दलको नेता छनोट गर्नु हो। लामो समयदेखि सहमतिको प्रयास भइरहे पनि अहिलेसम्म नेता चयन हुन सकेको छैन। यसअघि नेता चयनका लागि निर्वाचन तालिका सार्वजनिक गरिएको भए पनि गत शुक्रबार अन्तिम समयमा प्रक्रिया स्थगित गरिएको थियो। अब भने सभापति गगनकुमार थापाले कार्यसम्पादन समिति बैठकमा नै दलको नेताको नाम घोषणा गर्ने तयारी गरिएको छ। सभापतिले घोषणा गरेको…

१३ वैशाख, काठमाडौं — राजधानीका सुकुमबासी बस्तीहरूमा आज पनि डोजर प्रयोग गरी संरचना हटाउने काम जारी राखिएको छ। सार्वजनिक जग्गा अतिक्रमण हटाउन यस्तो कदम चालिएको हो। गैरीगाउँ क्षेत्रमा सोमबार बिहानदेखि दुई वटा डोजर प्रयोग गरेर सुकुमबासी बस्ती हटाउने काम भइरहेको छ। त्यस्तै, भक्तपुरको मनोहरा क्षेत्रमा रहेका सुकुमबासी बस्तीमा १७ वटा डोजर प्रयोग गरी घरटहरा भत्काइँदै छन्। मनोहरा बस्तीमा आइतबार बिहानदेखि नै हटाउने काम सुरु गरिएको थियो भने गैरीगाउँ र थापाथलीका बस्तीमा शनिबारदेखि नै डोजर चलाइएको थियो।