४ वैशाख, काठमाडौं — सिद्धार्थ राजमार्ग अन्तर्गत निर्माणाधीन सिद्धबाबा सुरुङ मार्गको भौतिक प्रगति करिब ६० प्रतिशत र वित्तीय प्रगति ५१ प्रतिशत पुगेको छ। सुरुङ ‘ब्रेकथ्रु’ सम्पन्न भएपछि संरचना निर्माणको कामले तीव्र गति लिएको आयोजना प्रमुख नवराज बास्तोलाले जानकारी दिएका छन्। उनका अनुसार हाल सुरुङभित्र भुइँ ढलान, भित्तो लेपनलगायतका आन्तरिक कामहरू सम्पन्न भइसकेका छन् भने तीनवटै वैकल्पिक मार्ग (बाइपास) मा एकैसाथ काम भइरहेको छ। सुरुङको भित्री पर्खालको मजबुतीकरण (लाइनिङ) सम्बन्धी काममध्ये १,५२० मिटर सम्पन्न भइसकेको छ। साथै, भुइँ ढलान (इन्भर्ट) को काम सकिएको छ र दुबै किनारमा पानी बग्ने नालीको आधार संरचना निर्माण गरिएको छ। सुरुङभित्रको सडक निर्माण कार्य आगामी साउन…

४ वैशाख, काठमाडौं — चालु आर्थिक वर्षको पहिलो नौ महिनामा नेपालमा कुल ४१ अर्ब ७९ करोड रुपैयाँ बराबरको वैदेशिक लगानी स्वीकृत भएको छ। तर पछिल्ला महिनाहरूमा लगानी प्रतिबद्धता आउने र स्वीकृत हुने दर उल्लेखनीय रूपमा घट्दै गएको देखिन्छ। उद्योग विभागको तथ्यांकअनुसार साउन महिनामा मात्र २४ अर्ब रुपैयाँभन्दा बढीको लगानी प्रतिबद्धता स्वीकृत भएको थियो भने भदौमा करिब ९ अर्ब रुपैयाँ पुगेको थियो। तर त्यसपछिका महिनाहरूमा लगानीको प्रवाह क्रमशः घट्दै गयो र फागुनसम्म आइपुग्दा मात्र ३८ करोड रुपैयाँमा सीमित भयो। चैत महिनामा भने १ अर्ब १२ करोड रुपैयाँको प्रतिबद्धता आएको छ। यसरी पछिल्ला दुई महिनामा जम्मा डेढ अर्ब रुपैयाँ मात्र स्वीकृत हुनुले…

४ वैशाख, काठमाडौं — नेपाली कांग्रेसका उपसभापति विश्वप्रकाश शर्मा पार्टीको आधिकारिकतासम्बन्धी मुद्दामा आज सर्वोच्च अदालतमा विपक्षी पक्षबाट बहसमा सहभागी हुने भएका छन्। विशेष महाधिवेशनलाई मान्यता नदिन पूर्वसभापति पूर्णबहादुर खड्काले दायर गरेको रिटमाथि बिहीबारदेखि सुनुवाइ सुरु भएको हो। न्यायाधीश सारंगा सुवेदी र नृपध्वज निरौलाको संयुक्त इजलासमा बिहीबार रिट निवेदक पक्षका कानुन व्यवसायीहरूले बहस गरेका थिए, र सो पक्षको बहस सोही दिन सम्पन्न भएको छ। आज शुक्रबार विशेष महाधिवेशनको पक्षबाट बहसका लागि समय निर्धारण गरिएको छ। विपक्षी पक्षका तर्फबाट उपसभापति शर्मा स्वयं तथा अन्य कानुन व्यवसायीहरूले आफ्नो तर्क प्रस्तुत गर्नेछन्। उक्त रिटमा विशेष महाधिवेशनको वैधता अस्वीकार गर्न माग गर्दै सभापति गगन थापा,…