२१ वैशाख, काठमाडौं — सङ्घीय संसद् प्रतिनिधिसभाका सभामुख डोलप्रसाद अर्याल (डीपी) ले प्रतिनिधिसभामा रहेका विभिन्न दलका प्रमुख सचेतक र सचेतकहरूको बैठक बोलाएका छन्।
सभामुखका प्रमुख स्वकीय सचिव मुना कुँवरका अनुसार उक्त बैठक सोमबार दिउँसो १२ बजे सिंहदरबारमा बस्ने तय गरिएको छ।
सत्ता पक्ष र विपक्षी दलका प्रमुख सचेतकहरूसँग समसामयिक विषयमा छलफल गर्न सभामुखले बैठक आयोजना गरेका हुन्।
प्रतिनिधिसभामा हाल राष्ट्रिय स्वतन्त्र पार्टी, नेपाली कांग्रेस, नेकपा एमाले, नेकपा, श्रम संस्कृति पार्टी र राष्ट्रिय प्रजातन्त्र पार्टीका सांसदहरूको प्रतिनिधित्व रहेको छ।
