२२ वैशाख, काठमाडौं — प्रतिनिधिसभा सदस्य तथा श्रम संस्कृति पार्टीका अध्यक्ष हर्क साम्पाङले सरकारको काम गर्ने तरिकाप्रति असन्तुष्टि जनाउँदै खुला पत्र सार्वजनिक गरेका छन्। ‘संसद् छलेर चल्ने सरकार’ भनेर सम्बोधन गरिएको पत्रमा उनले सीमा सुरक्षा, सुकुमबासीको समस्या र देशको आर्थिक अवस्थाबारे गम्भीर प्रश्न उठाएका छन्। भारतले लिपुलेक क्षेत्र हुँदै कैलाश–मानसरोवर जाने सडक निर्माण गरिरहँदा सरकार किन मौन छ भन्ने प्रश्न उनले गरेका छन्। केवल कूटनीतिक नोट पठाएर मात्र समस्या समाधान नहुने भन्दै नेपाल, भारत, चीन र संयुक्त राष्ट्रसंघबीच चारपक्षीय वार्ता गरी सीमा संरक्षण गर्नुपर्ने उनको माग छ। साम्पाङले सेनाको प्रयोगप्रति पनि असन्तुष्टि व्यक्त गरेका छन्। मन्त्रीहरूको व्यक्तिगत काममा सेना लगाइएको…

२२ वैशाख, काठमाडौं — स्मार्ट टेलिकमका पूर्व प्रबन्ध निर्देशक सर्वेश जोशी पक्राउ परेका छन्। केन्द्रीय अनुसन्धान ब्युरो (सीआईबी)ले ठगी र आपराधिक विश्वासघातसम्बन्धी आरोपमा उनलाई नियन्त्रणमा लिएको हो। प्रहरीका अनुसार उनलाई सोमबार काठमाडौं महानगरपालिका–२ खुर्सानीटार क्षेत्रबाट पक्राउ गरिएको हो। हाल स्मार्ट टेलिकम सञ्चालनमा छैन। नवीकरण प्रक्रिया पूरा नगरेका कारण २०८० वैशाख ३ गतेदेखि कम्पनीको अनुमति पत्र स्वतः खारेज भएको थियो। त्यसपछि उक्त कम्पनीको सम्पत्ति नेपाल दूरसञ्चार प्राधिकरणले आफ्नो नियन्त्रणमा लिएको थियो। तर ती सम्पत्तिसम्बन्धी काममा अनियमितता गरी सरकारको हितमा क्षति पुर्‍याएको आरोप जोशीमाथि लागेको छ।