३० वैशाख, काठमाडौं — सभामुख डीपी अर्यालले प्रतिनिधिसभामा उठेको विपक्षी दलको मागबारे प्रधानमन्त्री बालेन शाह उपस्थित हुने वा नहुने विषयमा आजै छलफल गर्ने बताएका छन्। बुधबार बसेको प्रतिनिधिसभाको दोस्रो बैठकमा प्रमुख प्रतिपक्षी नेपाली कांग्रेसका सांसदहरूले उठेर अवरोध गरेपछि सभामुख अर्यालले प्रधानमन्त्रीसँग छलफल गर्ने तयारी रहेको जानकारी दिएका हुन्। सभामुख अर्यालले बैठकपछि प्रधानमन्त्रीसँग संवाद गर्ने कार्यक्रम रहेको भन्दै आजै विपक्षीको मागबारे स्पष्ट जवाफ दिन नसकिने बताए। उनले भने, “आजको सभा सकिएपछि सम्माननीय प्रधानमन्त्रीसँग संवाद गर्ने कुरा छ। त्यसकारण आज हामीले यसको प्रतिउत्तर वा जवाफ दिन भ्याउँदैनौँ।” सभामुखले प्रधानमन्त्री संसदमा उपस्थित हुन सक्ने वा नसक्ने भन्ने विषयमा तत्काल निर्णय दिन नसक्ने पनि…